آهنگ امیر پاسکه و بهمن فرخی ( گیله لو )

تی امره‌ام گوش بوکون گیله کور
ایته روز تاریخِ رقم زنید أ جیرو جور
پوشتِ او قشنگه دیم وُ شکل وُ رو
دَنم دیلِ شیر دارید ایسید گیلانِ غرور

أ دیرو تا امروزه بیدین
اَمی فرهنگ جه نوبو حقِ مرد وُ زن سیوا
کودید ظلم جلو حقِ جه دفاع
اَمی تاریخه بخوان نهه گیله زنِ  رده پا

هنی وجود داره هیبت
بانویی کئ بو بیگانه و دشمنِ  دیلِ لرز
ناشتی اجنبی جه ترس
وقتی باج فدی او زمات باج گیره کس

تو أ کی دانی، از او رعنای پیله دیلی
کئ نخواستی بیشه اربابِ دستِ جیر
او زمات کئ بو رعیت حقِ خان
ماوزر دَوَست، داشتی خوجیر دیم وُ دیلِ شیر

« تی امره‌ام کوری
تی جسارتِ جه نشا گوفتن دو بیت
شیمی قشنگِ گیس دِهه گیلانِ شکل
ایته روز شیمی آزادی ره کشید، کِل

نیبه امی گیله زاکانِ راه هَچین
امی کُورانی کئ ناشتید ترس وُ بیم
سبزِ تومه مانستن بیشد گیلِ جیر
دوش به دوش کونیم هرزِ واشِ ویجین »

چندی وا تره دوخانم درازه گردن
آی سیاه چشم ابرو
بلند بالا می هیبت جان
مو تی او غیرت قربان

تی امر‌ام گوش بوکون گیله کور
افتخار بوکونید به شیمی تاریخ و تمدن

او قشنگ لباس جه تا گیلانِ لاَکو
کیله‌لی کیلا تا تالش و کادوس
یاد ببه ایسید گیلانِ غرور
سبز ببید ولگ مانستن گیله لوی